Przeżyj architektōnicznõ przigoda na Gōrnym Ślōnsku!
Nikiszowiec
Piyknŏ, tradycyjnŏ, ślōnskŏ architektura. Coby zrozumieć Ślōnsk, trza zobŏczyć Nikiszowiec. Poczuj klimat prawego ôsiedla, kere bez 100 lŏt sużoło grubiŏrzōm z pobliskij gruby. A może skusisz sie na tradycyjny ślōnski łobiod?
Katowickŏ Moderna
Architektura miyndzywojynnŏ durch zachwycŏ. Polske Chicago czekŏ na ôdkrycie. W czasie rajzy zobŏczysz sie jak i czymu narodziyła sie modernistycznŏ architektura!
Spodek
Ikōna Katowic. To niyôbyczajne, iże tyn symbol miasta mŏ już bezma 50 lŏt! Krōm lot wyglōndŏ fest świyżo i modernie! A możno chcesz wlyźć do poszczodka?
Ôsiedle Tysiōncleciŏ
Gynialny przikłŏd powojynnego modernizmu. Richtig dobrze wydumany plac do życiŏ dlŏ tysiyncy miyszkańcōw. Kukurzice czekajōm na ôdkrycie!
Kościōł św. Józefa
Modernistycznŏ byrka na karcie architektōnicznego Ślōnskŏ. Niyôbyczajne dzieło Dominkusa Bohma durch zachwycŏ swojim gysztelym. Dowiysz sie czymu tyn kościōł nazywany je "chrōmym światłym malowany".
Sztolnia Krōlowŏ Luiza
Przeżyj nojdugszy w Polsce podziymny spływ łōdkami. Płyń 1100 metrów na grubie, kero mō 200 lŏt!
Strefa Kultury
NOSPR, Muzeum Ślōnske ale tyż cołkŏ Strefa Kultury to ganz nowe ôbliczne Katowic. Blank dobrze wydumane budōnki, powstoły na terynach po dŏwnyj grubie. Miyszkańcy Katowic czekali na nie ôd dŏwnŏ.
Gruba Guido
Ciś echt grubskom szolom 320 metrów pod ziymiã a przeżyj hajerske ymocyje! A po zwiydzaniu zdatnie nawiydź nojniżyj położōny szynk w Europie. Ja, 320 metrów pod ziymiōm mogesz sie zjeś po ślōnsku.
Bytōm
Cołki czas czekŏ na ôdkrycie bez Ciebie. Miasto z dugõm historyjōm i piyknõm architekturōm. Ôstŏw stereotypy i ciś na szpacyr z bytōmskim lwym!